Ríflega helmingur alls bjórs sem seldur var á Íslandi í fyrra var framleiddur á Íslandi. Þetta kemur ársskýrslu Vínbúðarinnar, sem Metadata hefur unnið upp úr.

Tæplega 31 prósent þess bjórs sem seldur var á Íslandi í fyrra var framleiddur í Danmörku. Hollenskur bjór er í þriðja sæti með ríflega fjögurra prósenta hlutdeild.

Viking Gylltur er langvinsælasti bjórinn en af honum seldist ein og hálf milljón lítra í fyrra. Faxe Premium er í öðru sæti með 673 þúsund lítra en Egils Gull í þriðja með 643 þúsund lítra.

Bjórsala jókst úr 16,4 milljónum lítra 2016 í 17,2 milljónir lítra í fyrra.

Tæplega helmingur bjórs sem seldur var er íslenskur ljós lagerbjór í dósum, eða um 45 prósent.

Hér fyrir neðan eru tíu vinsælustu bjórarnir, samkvæmt sölutölum Vínbúðarinnar.

• Tegund Lítrar Eining

• Viking Gylltur 1.490.055 0,50

• Faxe Premium 673.876 0,50

• Egils Gull 643.692 0,50

• Viking Lager 619.014 0,50

• Tuborg Green 527.550 0,50

• Tuborg Classic 524.281 0,50

• Boli Premium 481.898 0,50

• Viking Gylltur 453.817 0,33

• Faxe Royal 433.604 0,50

• Thule 429.977 0,50